Nonro dwarore ne kembe machiwo okumba mag thieth.

OD BURA MA KISUMU (Photo courtesy)

By Jowi Raymond

Kwayo makende koro ogol ne od bura ma kisumu kokalo kuom kamiti mar weche thieth to koda migao mar thieth e kaunti onogo mondo otim nonro ne ute thieth ahinya to ne wechego mag chudo mag okumba thieth ma chich nitie ni oledhi mag mayo jjopiny omendagi odhuroe.

Kane ogolo ng’ur e wii wachni, Migosi Elisha Oraro ne owacho ni e nonro mane otimo yango ni ute thieth mopogore opogere oseyangi ni ng’ado omenda mag jopiny e yo ma ok oyangore kokalo e chudo mag okumba mag thieth mago mar NHIF to kod mag ageng’a kata okumba mamoko mag ngima kata (Health Insurance cover)

Jatelono ne oyango ne od burano ni magi ne ofwenyo e kinde mane ochwalo min ode yudo thieth e kar od thieth moro maduong’ e chuny boma ma kisumo kama omenda mane oriko en godo e kadine mar thieth ne opo ka ong’ad tee kata odoko ni omenda mane od thieth dwaro ne jatuo ma irwako e ward gi e sechego to ne en shilling 3000.

Migosi Oraro ne okwayo od burano mondo otim nonro kendo nyeny e lela ute thieth manyayo kuo makamaa ka owacho ni di po ka tim makoch ni hinyo oganda jokenya mathoth ma ok nyal winj yuakgi.