MCAs ma Kisumu mawuok e gwenge ma ipure niang’ opogore e paro e weche niang’

Od Bura ma Kisumu (Photo Courtesy).

By Jowi Raymond.

Twak mar temo lombo od bura mar senate e ruch oko chik mar tamo jopur niang’ uso niengegi ne kembe rego niang’ ma ok gindikore go mong’ere kaka zoning mane opedh e kaunti assembly ne jogore e lwanda.

Twak mane orik ochwal koda jaod bura ma ogwel Mikai Karen Muga mane dwaro ni mondo od bura mar senate oyie oruch oko chik ma gichano puodho madhi yie mondo jous niang’ usne kembe ma bende ok gindikorego mong’ere kaka sugar zoning ne opodho kata kapok otwage tok jatend kweth mathoth Migosi Kenneth Onyango ne jorem siro twagno lwedo e kidieny mokwongo mondo ne yiene jo od bura twake.

Mikai Karen Muga mane otwak koda mesawa mar fwambo e liare mar od burano kinde machuok tok loro chenro mag od burano ne jonyiso ichwang’ mare mokalo koda jatend kweth mathoth ka oseye kuom rem siro dwach jopur niang’ kaka achiel kuom jotelogo mane oyier e gwengego ma bende pur niang’ itimie.

Ka korkakore Migosi Kennneth Onyango kalero matut gino mane omiyo orem siro twagno lwedo, jatelono ne olero ni kaluwore gi chike matayo od burano kaachiel koda mano matayood bura mamalo mar senate, chik ok oyie ne county assmbly twak e chik ma osekalie kod od bura mamalo, Onyango kata kamano olero ni kaka jotelo mawuok e gwenge ma pur niang’ dhi e nyime gibiro chung’ motegno e neno ni sirkal mamalo kokalo e tudruok koda duol makelo kanyakla gavanas  ma okiepo koda namlolue kata LAKE region economic Block, gibiro tiyo machiegni e neno ni ka okalo e chenro mar riwruok onogo, kembe rego niang duto ma gi e kindeni ochungo tijegi, omii sir mar dok kendo e chwalo tijegi ma pile.