MCAs mawuok e gwenge ma ipure niang’ osingo kedo ne ratich jopur.

Kambi rego niang’ (Photo Courtesy)

By Jowi Raymond.

MCAs mawuok e kaunti ma Kisumo ahinya to mago mane oyier e gwenge ma ipuroe niang’ oramo kod duol achiel ni ngang’ ok gini we jopur niang’ roch ratichgi.

Kane otelnegi kod jatend kweth mathoth e od bura onogo Migosi Kenneth Onyango ne joleroni kembe mag ji giwegi ma osiko medo bech niang’ kinde ka kinde ka olero ni gibiro neno ni chike marito jopur niang’ oket e tim mar rito ratich jopur ma gi e kindeni kaloe lwasi matek miwuoro.

Korka kore Mikai Kren Muga ne bende jochung’ kar tiende kwedo wach kelo chik mar tamo jopur niang’ uso niengegi ne kembe mopogore opogore ka olero ni dwach jopur en yudo lwasi mar timo oala kod kembe rego niang’ manyalo miyogi gi chudo makare.

Wechegi bende ne josir koda MCA ma Chemelil Koru ward Migosi Julius Genga mane owuok tung’ mosuo koda ngoche mag oand sukari ma owacho ni osebedo ka rocho mokalo okenge mag temo bero oand niang’ kod chudo mag jopur. Okwayo mondo mi jopur thuolo mar golo pachgi e kinde ma itimo lokruok ne weche pur niang’