bills ma dhi tayo kaunti ma kisumo ogik chwal e od burano ma Kisumo

By Jowi Raymond.

Od bura ma Kisumu osingo mar chwalo mapiyo moko kuom chike mabiro konyo e chwalo weche dongruok mag kauntino.

Kane ogolo twak mare e od burano, ma en jatend kweth mathoth Migosi Kenneth Onyango ne osingo ne od bura ni chike ogogo osehikore kendo ochan mar chwalo gi ayanga e nyim od burano mondo MCAs go twage kendo puodhgi e chak dwe manyien.

Obende ne odhi nyime lero ni chenro mag sumo pach jopiny e wi chike ogogo dhi timore e Wards duto  ka okwayo jotelogo mondo ochop oteno ne jopiny ma girito e yudo thuolo mar chwalo pachgi ahinya to ne chikno mar chuogo tend jodongo kor gwenge duto ma bende ong’ere kaka Village Council.

Migosi Keneth kata kamano ne olero ni ne chike mamoko pach jopiny ibiro sum e chuny boma ma Kisumu, e okenge mar neno ni chenro duto ma tend kauntino chano puodho okuong otwagie kendo kal kaka chik kokalo e od bura ma Kisumo.

Kaunti ma Kisumu nyaka gi e kindeni oseiko madirom chike abirio madito m ochan chwalo moting’o chik machano puodho chuogo tend jodongo(Village council) mar weche thieth e lony manyasani (Universal Health Care) chuogo kamiti mar daro taka ma Kachok e kind mamoko.