duond buch ODM okwa ni obed jathek e kind MCAs ma Kisumu

Od Bura ma Kisumu

By Jowi Raymond

Okenge mag od bura ma Kisumu kelo twak mar thicho oko jokanyo ariyo e duol mochung’ ne ndiko kaachiel kod tayo tije mag od burano (Assembly service Board) koro to oyudo ng’ikruok tok spika mar od burano Migosi Onyango Oloo ne golo ng’eto e wii burano.

Kane ogolo twak ma kamaa, Migosi Oloo ne jonyiso od burano ni duol onogo mar Assembly Service Board ichuogo koda duond bura mathoth ma en ODM ka gi e kinde ma jokanyo meke idwa thich oko nyaka mii duond buch ODM thuolo makende e timo nonro kaachie koda chiwo ng’eto margi ka pok MCAs giwegi okao okang’ mar thicho gi oko ka motelo ne mano duond buch ODM yande ne joluongo tend od burano mondo oduok penjo komakore kod tulo mane omuoch kindeno.

Od bura ma Kisumu juma mokalo yande ne joyudore lwasi makoch bang’ tulo muoch e kinde mane ja goo oporo e od burano Migosi Gad Olima ne okelo twak mar thicho oko Migosi Abaja kaachie kod Mikai  Nyangoya e duol mar Assembly Service Board twak mane orem kalo tok MCAs go rakore kaluwore gi twak machielo mar temo thicho oko spika ma ng’ur ne nitie ni ne okel e tok chik kod MCA ma ogwel Migosi Vincent Omoro mondo mi ne tam MCAs go thicho oko jokanyo ariyo go.

Ng’eto no mar spika nyiso ni Migosi Abaja kaachie kod Mikai Nyangoya biro medo bedo jokanyoo mag duolno nyaka duond buch ODM gol ng’eto margi e wii wachno kata odoko ni MCCAs buora to ne osenyiso ng’ur margi kaachiel koda koso geno e wii kaka gitayo chenro mopogore opogore mag od burano.