Kawuono wadhialo higni 29 nyaka jangolo mar Rhumba Franco Luambo Luanzo Makiadi nowito ngimane, Bing’eyo ni nochako gongolo kojahigni 12?

NGIMA MAR FRANCO KAPODI NOKIDORO

Piny mangima kawuono sidho nyasi mar higni 29 chakre jangolo marahuma Franco Luambo Luanzo Makiadi nowito ngimane.

We kawuono walidhni matin ewi ngima mopondo mar ondiek ma ja Rhumba Franco Makiadi, mabende neen jangolo mahumbe lich lich miwuoro epiny libamba mar Democratic republic of Congo kaachiel kod piny mangima.

Photo courtesy.

Franco Luambo Luanzo Makiadi.

Bende ing’eyo ni Franco ne en jadoho marahuma kendo Nyasaye nogwedhe gi nyithindo maromo 18, kamabende 17 kuom gi negin nyiri, nyisoni neen gi nyathi mawuoyi achiel kende. Makiadi nogolo albums kata sende mag ngolo mohingo 150 kendo wero wende mohingo 1,200 ekind higni 37 manobendo epap kak jangolo mar Rhumba.

Wach mamit en ni Makiadi nonywol tarik 6/7/1938 e gweng’ moroni Sona – Bata mayudore epiny libamba mar Demoractic Republic of Congo (D.R.C). En jangolo manewero ngologo mag Rhumba kendo mopogore gi wer, nondiko nyaka wende kaachiel kod goyo gita. En achiel kwom jongolo manenyalo wer to goyo git sechegogogo (At the same time), talanta manonenore nyaka kwom jangolo machielo mar piny Kenya, mano mosenindo Musa Juma Mumbo wuod Alego Usonga. Franco nochako gwelo gita kapodi en gidoro saidi kendo mae nomiyo omiye nying mar oledhi mar “Jajuok mar gita’’ niketh nogwelo gita matamre gi nono.

Wuon mare nenyinge Joseph Emongo kendo notiyo ekambi moro mar gach okolo kata gach reru epinyonogo mar DRC, esechema min mare to neuso makati echich gweng’ moro yokono. Min gi nong’ere kaka ja ohand aswekra mahumbe pek miwuoro. Wach mamit en ni Franco negoyonega min mare gita e kibanda manouse mar neno ne giywayo jonyiepo kendo moro jogo duto manochopo nyiewo makate mar min mare. Magi duto franco netimo kapodi otiiin saidi. Wanyalowacho ni thum neringo e rembe malich miwuoro.

NG’ANO MANOFWENYO TALANTA MAR WER MAR FRANCO?

Talanta mar Franco nofweny gi jagogita moro manyinge Paul Ebengo Dawayon mabende emanomako lwet Franco kendo tiege mokalo ewechego mag goyo gita.

Katakamano Franco nochako goyo thum ma serious kojahigni 12 ekinde manepodi en eband mayinge Watam mabende notelie kod jagita Dawayon. Ekinde manogocho e band onogo, Franco dwonde nemit matamre gi nono kendo noyange kaka jangolo matin maberie mogik e bandono mar Watam.

Nosiko omoro oganda bwora kalure gi talanta mar gwelo gita kaachiel kod mano mar wer at the same time. Mopogore gi weche mag ngolo en ni ekinde moko Franco noloko nyaka din kendo chako lemo e din mar Josalam (Islam).

Kochakore e higa mar 1970 nyaka 1980, nosebedo maduong’ kendo enemaneen jatend band mar TPOK Jazz band, mabende humbe nelach miwuoro epinje mag sungu kaachiel gi Africa mangima. Kaekoro ema Franco noloko din kendo wuoke Kristo nyaka e din no mar Salam, kamabende nomiye nying machielo manyien mar Abubakkar Sidiki.

Katakamano, ehiga mar 1978, jangoloni nobedo matwoo malich miwuoro.

Nochako dhero kendo dende nosikomana kaweyore. Dhano nowacho duto manyalore kende kwoth mare nokwako piny mangima. Jii nosikomana ni “Ayawaaa, ang’omanego Franco yawa’’. Kae koro ema Franco nogolo ngolo mare mogik manyinge “Attention na Sida” mabende newuoyo matut ewi twoo makoch mar ayaka mabende koreka nodonje Afrika.

Ekinde manekoro twoo osekete piny, jangoloni nochako olokore kendo weyore gi din mar jo Salam. Nochak otise kaka ja Kristo mong’ith kendo bedo achiel kwom jolemo malich miwuoro e din mar Catholic. Franco nolemo alema nyaka chieng’ mane magoro olal kode tarik 12 dwemar 10 ehiga mar 1989 eboma maduong’ mar Brussels, Belgium kojahigni 51.

LIMBE MAR FRANCO EBOMA MA KISUMU: THUM NOMUKO KOR MOI STADIUM

Makiadi nolimo Kenya kendo molo eboma mar Kisumu e higa mar 1988, kamabende nomoro oganda gi ngolo mochwo chieng’ e alap tuke mar Moi Stadium. Gana gi gana mag johera Rhumba epiny mangima nomolo Kisumo mar chamo banjo.

Katakamano wach malich notimore.

Kor ot mar alap tukeno mar Moi Stadium  nomukore kendo podho kuom jomiel kamae

Photo courtesy
Franco Luambo Luanzo Makiadikoro nohinyo oganda buora kendo nego nyaka jomamoko mathoth manowito ngimagi kanyo kanyo. Nyaka e thoo mare, Franco ema neen jatend band mar TPOK Jazz Band mabende noting’ jii kaka:

Jogwel gita: Franco Luambo, Simaro Lutumba, Mose we Sengo, Henry Bowane, Michelino Mavatiko Visi.

Jower kamoting’o nyaka johol wer: Sam Mangwana, ZitaniDalienst Ya Ntesa, Mayuala Mayoni, Michel Boyibanda, Wuta Mayi, Phillipe Lando Rossignol.

Jokudh tung’ (Saxophone): Veckys Kiamuangana Mateta, Empopo Loway.

Moko kwom ngolo meke oting’o 12,600 letters, Ngungi, Mobutu, Azda, Kimpa Kosangameni, Pesa Position, Mamou, Matata ekind mamoko.

Ondiek Franco nokow ekar yueyo mare mogik tarik 17 dwemar 10 higa mar 1989.

Nind gi kwee Franco Luambo Luanzo Makiadi.