MCA ma Kisumu obalo gi jalno mane oriko chung’ eloo spika

Od Bura ma Kisumu e kinde twak. Photo courtesy.

By Jowi Raymond.

Weche ne ochako omuoch kendo e od bura ma Kisumu e kinde chak twak mag od  burano tok kweth moko mag MCAs ne kwedo mokalo okang’ mane okaw koda spika mar od burano Migosi Onyango Oloo kuom miyo thuolo achiel kuom MCAs go mar tayo od bura e loe.

MCAs go kane otelnegi koda Migosi Seth Olale Nyalenda A, Migosi Joakim Oketch ma Kondele, Mikai Karen Muga(Nominated) kaachiel koda migosi Vitalis Otura  ne jotemo kwedo bet mane Migosi Roy Samo ne bende omigodo thuolo mar tayo od burano e loo Migosi Onyango Oloo. Wach ma Migosi Olale ne osingo chwalo e doho ponono ni Migosi Samo ne dhi riembe oko mar od burano.

Migosi Roy Samo ma bende MCAs go sundo kuom bedo obadho ne moko kuom lokruoge ma gidwaro ka bende giseyo spika mar od bura onogo kuom tiyo kode e chopo moko kuom dwache ka jood bura go lero ni gi chike mag od burano ok owinjore tayo twak mar od bura wira nitie aput moyiedhi mowinjore taa twak e kinde ma spika onge.

Kata kamano Migosi Roy Samo ne oduogo oyudo fuong’ruok tok jotelogo ne yie miye thuolo mar dhi nyime gi tayo twak.

Mae ok thuolo mokuongo ma Migosi Roy Samo yudore e orindi maliet e lwet MCAs go ka e kidieny mokuongo yande ne otayo e yor achune twak mag od bura tok ne spika Onyango Oloo weyo chenrogo e kore tok ne fwenyo ni ne nitiere twak mane ochwal ka igeto thiche godo oko.