OD BURA OK LOR E KINDE ROMO MAR LREB MCAs MA KISUMU OKALO

OD BURA MA KISUMU E KINDE TWAK. PHOTO COURTESY.

BY JOWI RAYMOND.

MCAs e kaunti Assembly ma Kisumu gikone to ne jowito oko twak mar loro od burano dhie e yueyo manok mondo chiw thuolo ne MCAs go yuoro e galamoro ma dhi nyuando kanyakla ogirimiti ma kelo kanyakla kauntis 14 mong’ere kaka Lake Region Economic Block.

Romo ma ochan bagi e kaunti ma Bomet ma en achiel kuom jokanyo mag LREB ochan mar chakore tarik 21 dweni nyaka tarik 24.

Kane opedho twak ma kamaa, ma en jatend kweth mathoth e od bura ma Kisumu Migosi Kenneth Onyango ne olero ni kaka jalno mane ochano pedho twagno ne joyie mar wite oko tok kweth MCAs mathoth ne oro kwayo mondo od burano kik dhi e yueyo e ndalo 4 go duto mondo giyud thuolo malach dhi nyime gi chwalo tijegi mapile kata odoko ni romo makano to gibiroyuore.

Migosi Kenneth odhi nyime lero ni moko kuom weche mane omiyo gibwono dhi goyo kambi e kaunti ma Bomet en ni kaluwore ni ne orik omigi mana omenda (ALLOWANCE) mar ndalo adek kende ma gilero ni kidek miyogi tich matek dak oko kuom ndalo 4 ma romono dhi timore. Kata kamano olero ni wito oko twak makamano ok onyiso ni ok gibiyuoro e romono.