Mama Ida odinga foundation ochwalo kony mag lewni mag ria

Riwruok moro maok mar piny owacho ma ongere kod nying mar Mama Ida odinga foundation ne ochwalo kony mag lewni mag ria maromo 1792 ne maloyo nyithino skunde 300 ma opogore opogore mawuok e Sub-county ma Awendo eyor neno ni nyithindo ma nyiri e county ma migori onyal mi puonj kod rit ma owinjore mondo kik gi gam iye ma ohiwuu.

Kane otelnegi kod migosi Odhiambo otieno maen director eyore mag tudruok e riwruok mar mama Ida odinga foundation ne okoni chenroni geto mar neno ni nyithindo ma nyiri onyal kony kendo omi somo ma owinjore kendo ni nyithindo ma nyiri ok ogamo iyee ma ohiwuu.

Migosi odhiambo otieno ne okoni mikai mama Ida odinga dwaro mondo nyithindo ma nyiri onyal somo mondo ngimagi makiny onyal bedo maber kendo ginyal konyo familia magiwuokie.

Ne otieko ka okono jonyuol mondo onyal bedo machiegi kod nyithindegi ahinya mago ma nyiri kendo kik gibed makwiny kodgi to ginyal ritogi e yor puonj kod hera.

Ka korka kore to japuonj fransis deya kod mama Martha ochieng bende ne oduoko erokamano ne riwruogo kuom ne dewo nyithindo duto ma nyiri ka bende ne gijiwo jonyuol mondo obed ranyisi malongo ne nyithidgi kendo ginyal ritogi e yoo ma owinjore.

Moko kuom nyithind skunde mane oyudo konygoero mag ria ka otelnegi kod selestine atieno ma en japuonjre ma Awendo centrak kod nyawadgi Rita awuor mar phares aluoch kanindo secondary ne odwoko ero kamano ne mama ida foundation kod jalendo josphine serega kuom ne chwalonegi kitembni mag ria ka gikoni gisebedo ka gikalo e chandruoge buora e kuom koso puonj kuom kaka onengo giritre e kinde ma pod gisomo maok giyudore e obadho mag gamo iye ma ohiwuu.