Dwaro mondo lipod mar BBI otud machiegni eyor nenoni chendrono ochopo kare
Written by admin on November 23, 2020
By : Alseba Akinyi
Apisa mag Odm e sub county ma Bondo onyiso dwaro mondomi jogo maneoyier e kamati madhitelone choko mar seyi ewi lipodno mar BBI mondomi otudre kodgi machiegni eyor nenoni chendrono ochopo kare.
Kaotelnegi kod jakom Mar duond burano e sub county ma Bondo Migosi William Jura, gin emaginyalo chopone oganda mantie e gwenge duto nimar gitudre kodgi kinde duto.
Migosi Jura maneoten Koda Migosi Richard Ndolo ma korka Kore to neokwayo oganda Mondo owuog oko kendo osir lipodno nimar ogeto konyo oganda mantie e gwenge kokalo kuom pok Mar omenda makoro ibiro Mii wards eyor Timo dongruok.
Apisasgo manetwak gi Radio Sky e apis duond buch Odm e boma ma Bondo bende nokoweyo duond jomamine chien ka Mikayi Bertha Aloo ne ojiwo jomamine Mondo osir lipodno makoro odeo wang’gi mokalo.
Jalno maotelone ojende Migosi Emmanuel Opondo to korka Kore ne okwayo ojende Mondo owuog oko kar rombgi ka ochopo chieng maoyawie ayanga goyo seyi Kaka yor nenoni lipodno okadho wirani oikone ojende ber mathoth.
