Wuowi maja higni 15 owito ngimane

By Moses Omollo

Nyathi moro ma wuowi maja higni 15 ne owito ngimane e thuolo ma nyawadgi mane gingodo maja higni 14 to ne otony kendo oyudo hinyruok bang kane otuomgi kod lorry moro mane iriembo matek e gwenge mag ogwedhi e sub-county ma suna east e county ma Migori.

Pastor William okoth ma en nergi nyathino ne okoni nyithindo ne oriko dok pacho e thuolo mar odhiambo saa achiel kane gin kod apiko mane otuom kod lorry mane iriembo matek,jonh odera maen jatend ojende e ward ma kwa ma bende en achiel kuom jogom mane ochopo kanyoero mane masirano ne otimoree ne okoni joriemb loche e gwengego osebedo ka riembo marach e gwenge ma kono.

Kaluwore kod wach masirano jonyuol e gwenge mag ogwedhi koro onyisi mondo oneni ochiwo arita ne nyithindgi kendo kik giyie mondo nyithindo mapod tindo donjree weche mag riembo apiko e thuoloni mapod gin pachoka kaluwore kod wach landruok mar tuo mar corona e pachoka.

Ringre nyathino ne okaw kod obila ma Suna east kendo chwalo e kar kano ringre jogo ma otho ma migori e thuolo ma obila osechako timo nonro mar masiranoero.