Jotend dhowedhe ogol oko nyithindo duto manie hik dhi skul e dhowedhe go

By Alseba Akinyi

Jotend dhowedhe e sub county ma Rarieda okwa mondo gine ni gigolo oko nyithindo duto manie hik dhi skul e dhowedhe go.

 Kaluore kod jakom Mar West Asembo Beach Management Units Network Migosi Tobias Ong’ar Aiko, mondo okel tich mayot ne jonyuol kaachiel kod piny owacho, jotend dhowedhe nyakato neni onge nyathi moro amora maodong ka fuongo wuoth e dhowedhe ma opogore opogore. 

Migosi Aiko bende ochiko jotend dhowedhe go mondo otim apedha kendo omak nyathi skul moro amora maibiro yudo kalupo kata katimo chendro moro amora mar ohala e dhowath.

 Bende omedoni jotelogo nyakaneni gigolo nyaka nyithindo maosebedo kachodho kuoyo e nam kuro kendo terogi e skul mondo kik gibed kod ywaruok kod piny owacho kabende inyiso joriemb boda boda mondo kik yiene nyithindo mondo odonj e kindgi kata donjre e timo ohala e chirni

Eseche gogo bende osiemo want jonyuol ma oyudi ka oweyo nyathine timo ohala ni ibiro makogi kendo donjonegi e doho.