chiwo thuolo ne gedo mar ndara mar reru

Jo ohala e kar dak ma obunga mayudore e county ma kisumu tinende ne obedo gi achiedhnade tok ka kambi mar Kenya railways ochako ayanga chenro mar muko kendo ketho utegi mag ohala odiechieng’ ma kawuono.

Chenro no mane otelne kod city manager Abala Wanga, igeno ni biro konyo chiwo thuolo ne gedo mar ndara mar reru ma en achiel kuom chenro mag dongruok e bomano ma Kisumo.

Kane owuoyo gi jofwambo, Mama Florence Omwa ma bende en achiel kuom jo ohalago ne owachoni kar ohalano ne ondiko jii madirom 1000 ma bende ne oyudo lal maduong kotenore kod chenrono.

Ne odhi mbele ka owachoni kata bedo ni giyudo lal kamano, gigoyo ero kamano ne MCA ma gwengego migosi David Arao kod jotelo duto kuom yudonegi kamoro machielo ma gibirobedo ka gitime ohala.

Muko ma kamano ne okelo buok kuom jo ohala mamoko ka giwachoni ne omigi thuolo machuok ahinya mar daro gigegi mag ohala.