Kambi keyo pii mar KIWASCO koro oyao lain mar goyo simbe
Written by Dave Opiyo on February 3, 2021
Kambi keyo pii mar KIWASCO koro oyao lain mar goyo simbe kendo chwalo ywak kowuok kuom jopiny mano madhimiyogi thuolo mar chwalo tijegi eyorno makare.
Maen kaluore kod jatelo maduong’ mochung’ne kambino Migosi Thomas Odongo,mabende ne olero ni ok omenda maromo million ariyo ne otigodo eloso weche mag tudruok go.
Enyasi mar sidho chenro no, jatend migao mar Aluora, pii tokod ler e county ma Kisumo Migosi Salmon Orimba nopuoyo tich makare makambino osebedo katimo eneno ni gichwalo pii maler nejopiny kod yao odundu mag keyo minyaga.
Wechego notiek gi jalup Governor ma Kisumu Migosi Mathews Owili kowacho ni kambi mar KIWASCO osebedo e rang’iny ma malo echwalo tijege kendo gin kaka county gidhi tiyo machiegni gi kambino eneno ni oganda jo Kisumo moloyo to jonyakach oyudo pii maler.
