JOPINY KORO OKWEDO MOKALO TICH MARACH MAR KAR THIETH MA NYABONDO
Written by Dave Opiyo on April 15, 2021
Jodak ma Nyakach koro to ogolo ywakgi kaluore kod thieth marach ma ichiwo Koda hospital ma Nyabondo Mission.
Jopiny go ne ochopo ekar thieth no kadwaro mondo jogo ma otelo ne ni okir okoo tee nimar jopiny winjo matek mokalo ekinde ma gidhii manyo thieth e hospital no to chal kagima jotelo okodewo ngima jopiny kendo gidich mana gi iye gi giwegi.
Levy Hawi en achiel kuom jodak ma Nyakach mane olero ni jopiny osebedo ka okyudi thieth maber ekinde ma gidhii manyo thieth nyabondo Gino ma owacho ni timore nikech telo marach mar hospital no.
Bende owacho ni nitiere jotelo moko ma osebedo ka yako kar thieth no Gino ma omiyo kata yien kachiel kod gik mamoko ongee e hospital no.
Kane oloso tok koso yudo jogo ma otelone kar thieth no, ne oyango ni jogo ma tiyo e kar thieth no gin jogo ma oyie tich eyoo makare tomak mana ni iduoko gi chien koda tend hospital no ma chal kagima okodich Koda ngima jopiny.
Wach maka maa bende koro ne omiyo Arch. Bishop Philip Anyolo mabende ema ochungne missions tee ma Nyanza ne ndiko barua ne apisas ma imieno oda mibadhi go barua mabende koro ne chungo gi e tich.
