Jadolo moro eboma ma Kisumu imanyo gi liyo kitude gi keto rowere e kanisa makoch
Written by Celine Abuga on March 28, 2018
Apedha mager osechak tim ne jadolo moro eboma ma Kisumu kitude gi weche mar rwako rowere e alam moko ma koch.Jadolo no iwacho ni nigi kanisane e kar timo oala mar Social Hall, ka ojende ma orwako e din mare no gin mago mapod tindo ekind higa 18 – 25.
Ka ne otelone kweth jopiny e timo apedha ne jadolo no, MCA na Manyatta B Mikai Pamela Adhiambo, koro okwayo jonywol mondo kinde ka kinde gibed gi ng’eyo gigo ma nyithinde gi timo kata kanise ma gileme.Mikai Pamela onyiso bwok mare kaka jadolo no oseketo ngima nyithindo go matek komedo ni osebedo ka iriembe e kanisnige mopogore opogore.
Kabende moko kuom nyithindo go iwacho ni osedar e miechgi kendo dhi dak gi jadolo no, ka koro jonyuol gi bende ne onyiso buok margi.Bende ne okwayo sirkal mondo okonye e golo nyakware e lwet jadolo no ma oserocho ngima nyathino. Migao mar obila osingo dhi chako timo apedha mar wachno.
