Photo courtesy
Led by Nairobi County Women Forum chairlady Cecilia Wairimu, the women want Nairobi Governor Mike Sonko to move and appoint a Deputy Governor preferably a woman
Miche gi miche mag jomamine odiochieng’ makawuono ogolo kwayo ne ker Uhuru Kenyatta gi jalupne William Ruto, mondo odonjie mapiyo ewach masani okwako county ma Nairobi kalure gi onge mar jalup Governor.
Kotelnegi kod jakom mar Nairobi County Women Forum mikai Cecilia Wairimu, jomaminego dwaroni Governor ma Nairobi Mike Sonko, oyier jalup mare, ahinya ahinya to jalup ma miyo.
Dwemar adek higani, Governor Sonko kokalo etond mbui mare mar Facebook nondiko nyinge jodito moko mowacho ni dang’oher mar tijogo kaka jalupne, kendo kwayo jo Kenya manie mbui mondo okonye timo yiero makamano. Achiel kuom gi oting’o okil Miguna Miguna, mabende od bura ma Nairobi nodagi ni oknyal kawo lemono. Mamoko gin jaohala mikai Ann Kagure, maneen town clerk John Gakuo, okil Karen Nyamu, Bishop Margret Wanjiru ekind mamoko.
Mikai Ann Kagure en miyo mong’ere kaka jauso mang’ula mar okumba kata insurance kabende osegayange jaloch e higni ariyo malure kaka jachung’ kata Agent mar higa epiny Kenya. Miyonogo nochako kaka jauso mar okumba mar ngima kojahigni 20 e kambi mar American Life Insurance Company (ALICO), masana ong’ere kaka CFC Life.
Nodwogo oidho ngas e higa mar 2,000 kendo bedo Unit Manager kapok nodwogo oyiere kendo kaka Agency Manager
Okil Karen Nyamu noneno ewang’ jopiny tok dhie ng’wee laro kom mar jachung’ jomamine e county ma Nairobi e higa mar 2017, kama nokoso yudo kombonogo.
Bishom Magret Wanjiru to ekinde mokalo neen jaod bura ma Starehe kendo nodwogo dhie ng’wee laro kom mar Governor e county mar Nairobi higa mokalo, kendo koso wuok jaloch.
Kombonogo mar jalup Governor ma Nairobi osebet thwolo chakre January higani tok migosi Polycarp Igathe chwalo obok mage mag weyo tich ayanga. Katakamano Governor Sonko osebed kisundo gi MCAs ma Nairobi kalure gi weche mopogore opogore kamoting’o nyaka yiero Jalup Governor.
Kalure gi ote makende mar doho mamalo kata Supreme Court, Sonko idwaro mondo oyier jago moyiego kendo ochwal ne County Assembly ma Nairobi mar yudo pwotho manimba.
