Photo courtesy
Hassan Wario, maneen jatend migao mar tuke.
Gi Odalo Fred,
Ma ekinde mokala neen jatend migao mar tuke thurkaa Hassan Wario odonjne gi ketho mar mibadhi mar omenda maromo Ksh 55 million mag Rio Olympics e higa mar 2016.
Wario mabende en jambetre mar Kenya epiny Austria, katakamano odagi yie ketho auchiel duto mag mibadhi mopogore opogore, mano kamoting’o nyaka tiyo marach gi apisi mare.
Jatelono ochwale nyim jang’ad bura Justice Douglas Ogoti e doho ma Milimani. Wario bende odonjne kaachiel kod jodito mamoko ma ekinde mokalo notiye migao mar tuke, mano kamoting’o Haron Komen maneen jataa chenro maduong’ mar tije mag apisino, kaachiel gi Patrick Nkabu maneen jatend omenda e migao nogo.
Duto negidagi kethogo kendo owegi thwolo tok chulo omenda maching’ maromo Sh 1 Million ng’ato kang’ato.
Wario bende okwayo doho mondo odwokne obok mare mar wuoth kata passport, mondo odog oko odhinyime gi tije mar jambetre. Katakamano dwaro makamaa okoso nywolo olemo tok sirkal wachoni gi ekindeni okonyal dhinyime chung’ne piny Kenya kaka jambetre wirani ochunge kwom thwolo mokoyangi.
Seche gogogo, sulwe mar ng’wech e piny mangima Kipchoge Keino to okochopo e doho tok obila wacho ni idhiti kode kaka janeno ewi Hassan Wario. Okil mare Cecil Miller owachoni Kipchoge okochopo edoho wirani oonge gi tudruok mar achiel kachiel gi wechego mag mobadhi.
Keino kaachiel gi Wario osebedo oko mar piny Kenya nyaka okinyi manyoro kamanegichopo thurkaa kendo dhi achiel kachiel nyaka e tesend obila kalure gi chik manogol gi doho ma Nairobi juma mokalo. Ekind jumanogo mokalo, doho ma Nairobi nowinjo buch mibadhi momakne ma ekinde mokalao neen jagoro maduong’ e migao mar somo migosi Richard Titus Ekai kod jodito mamoko ariyo, mabende nodwogo we thwolo tok chulo omenda maching’ maromo Ksh 1 million ng’ato kang’ato.
