Photo Courtesy
Jopuonjre nie klas
Gi Odalo Fred
Moko kwom jopuonjre maromo 870, 244 ochako penj maduong’ mar Kenya Certificate of Secondary Education (KCSE) gi penjgo mag pap kata practicals gi dho ombogo.
Eseche gogogo, arita kwee bende oket malo mar geng’o kwoo mar penj kod chenro moramora manyalorocho lwasi makare mar timo penj makamano. Ote makende mowuoke log tich mar kamisen matayo penj thurkaa, mano the Kenya National Examinations Council (KNEC), oyangoni jopuonjre ochako penj mar dho Faransa kata French Oral kaachiel gi mano mar jopunjre maoknyal neno eyo makare kata Braille Examination.
Penj machielo mar klas aboro kata Kenya Certificate of Primary Education (KCPE) birochakore tarik 30 dweni marapar (30 October).
Penj mamoko mag andiko kata theory mag klas 12 kata KCSE birochakore tarik 5 November nyaka tarik 29 November. Ker Kenyatta bende owachoni jonyuol mag nyithindo duto mibiroyud gi gigo mag kwalo penj ibiroter e jela.
Kenyatta ogolo siem ne jopuonj gi jopuonjre duto machano kwalo penj kowacho ni ibirokawnegi ondamo mager mar chik.
