Photo courtesy
Amina Mohamed and other stakeholders
Gi Odalo Fred
Migao mar somo kotelie kod jatend migao Mikai Amina Muhamed sani koro chano biro gi chenro manimba mar dwoko chien iye momondo ekind nyithindo manyiri.
Mikai Amina owacho ni gichano keto etich chenro makamaa kamabende gigeto tiyo kanyakla gi bad migepe mamoko mag piny owacho mar neno ni wechego mag iye momondo ochung chutho.
Bende Amina ohum nono kowacho ni jogo mowinjore kony nyithindo manyiri emasani rocho ratichgi kendo dwogo jwang’ogi.
Kanowuoyo okinyi makawuono ekinde manichako ayanga penj mar klas 12 kata KCSE yoo mvita Mombasa, jatend migaono omedo ni jomadongo emosebedo kakoso chiwo ranyisi makare ne nyithindo manyiri.
Omedo ni wechego mag bembo osemedore mokalo ethurka kakoro sani piny owacho birodhi nyime gi kawo ondamo mager ne jogo manyayo timbego.
Mikai Amina oten gi jagoro maduong’ ebad migao mar tudruok gi pinje maoko migosi Ababu Namwamba. Namwamba to korkakore owacho ni somo en gino monego mi pek ahinya thurka kabende kwoo mar penj owinjore ked godo kaka chik dwaro.
