Photo courtesy
Travelers stranded
Gi Odalo Fred
Jowuoth e boma ma Nairobi okinyi makawuono okwamo e apaya tok weg nyamburko mag Matatu bago ng’anyo maratipo mar kwedogo chike mag Michuki mabende idwoke tich.
Katakamano jowuoth mamoko ochuno mondo otigi omenda modhuro mar matatu kalure gi nok mar geche mokwako boma ma Nairobi gi ekindeni. Chikego mag Michuki, yande odwoke tich kendo odiochieng’ manyoro kamabende obila mag apaya owuok akicha mar neno ni nyamburko moramora morocho chike mag apaya okedgodo.
Chike makamaaa nokel thurka kod ma ekinde mokalo neen jatend migao mar wuoth mano mosenindo John Michuki to katakamano piny owacho nodwogo chungogi ayanga, kamae koro osebedo kakelo masiche mag apaya mopogore opogore mabende oselal gi ngima dhano modhuro.
Bende jatend migao mar arita kwee thurkaa Laktar Fred Matiang’I owacho ni masira mathoth mag apaya osebedo kabiro kalure gi koso luwo chike makare matayo nyamburko matiyo gi apaya.
Matiang’I ogolo kwayo ne weg nyamburko duto mondo orwak chikego mag Michuki mar neno ni wuoth obedo makare.
Weg nyamburkogo ywak mokalo kagiwacho ni piny owacho oknomiyogi thwolo malach mar timo ikruok makare mar chako tiyo gi chikego.
