Obila moro onego jaherane gi magina kasto ochwee ochielore owuon

Photo courtesy
gun

Gi Odalo Fred

Obila moro mar loch nanga kata Administration Police (AP) ochielo miyo moro mawachore ni en jaherane gi magina bochwee ochielore nyaka owuon.

Obilano en matiyo e kambi mar obila ma Piave AP Camp mayudore Nakuru.

Maling’ling’ makende yango ni ji ariyogo osebedo katimo kisera kwom thwolo mar dweche adek mokalo kendo yande chano mar chako bet e keny kanyakla. Kalure gi jodak makono, mwoch mar bunde nowinjore nyadiriyo duto nyoro godhiambo to katakamano onge jal manochopo mar neno gima nerik dhio nyime.

Kanoyango masira makamaa, kamanda mar obila e county ma Nakuru migosi Hassan Barua, oyango ni ringre mar ji ariyogo osetere kar kano ringre mar Nakuru kama irito timnegi bero ekinde ma nonro bende dhio nyime.

Migosi barua lero ni obilanogo mosenindo, notudore gi obila moro machielo kokone gima dhio nyime kapok nodwogo chielore gi magina obende. Ler makende yangoni obila mag kambino nochuno mondo otur dhoot mar jii ariyogo mar neno ni gikawo ringregi.

Kalure kod wat moro mar miyono, miyonogo mabende okoyang nyinge, osebedo mana kong’ere gi obilano kwom thwolo mar dweche adek mokalo.

Bende wachore ni e kindeno osenyaka keto weche makamaa elela ne anyuolane kowacho ni obilano en osiep chunye. Katakamano wach makamaa okelo bwok mokalo ne jirende kod wede, anyuola kod osiepe mag ji ariyogo, kawachore ni gisebedo kagin gi mor.