Jopuonjre 31337 dhi donjo e skunde sekondar madito ma pachoka…
Written by admin on December 4, 2018
Jatend migap somo Amb.Amina Mohammed kod jodito mag somo/Photo courtesy
Ndalo 15 tok kane osegol dwoko mag penj kcpe e pachoka en ni chenro mar yiero nyithindogo ma dhi e form one ne ochaki ayanga nyoro kama jopuonjre 31,337 ne oyangi ni dhi donjo e form 1kata kals 9 higa manyien.
Magi ne oyangore e kinde mane ochak chenro no ka jatend migap somo Amb.Amina Mohamed ne olero ni gin kod geno ni chenro no dhi bedo makare ni mar piny owacho nigi chenro mar neno ni jopuojre go odhi e skunde mane oyiergie.
Mae kata kamano ne otimore sama wachore ni maromo jopuonjre 16,000 to ok bi dhi e skundego mag sekondar pachoka.
Amina ne olero ni ikruok nitie ka bende ne owacho ni jopuonjre go idhi mi lai mar kaka gibiro donjo e skundego.
Piny owacho ne ogolo geno ni omenda maromo billion 16 ne oseket tenge mar biro konyo e neno ni lwasi mar somo obiro bedo makare ne jopuonjre go madhi chako sombgi e sekondar.
Jopuonjre million 1 gi elfu 38 ne otimo penjgo e pachoka mangima.
Yiero mag jogo madhi donjo e skumde mag kor gwenge to chakore kiny,ka jopuonjre dhi chako donjo e skunde go e kind tarik 7 nyaka 11 dwe mar 1 higa 2019.
