Weche siasa ma 2022 medo kawo okenge mopogore e kind jokanyo mag Jubilee…

Wach mar winjruok e weche siasa mene obedo e kind D.P William Ruto kod ker Uhuru Kenyatta komakore gi higa 2022 medo kelo pogruok e paro e kind jokanyo mag Jubilee.

Mae timore komakore gi weche ma sani wuok koni gi kocha e kind jotelo mag jubille e wi mago mane owachi kod Jalup jakom Jubilee David Murathe ni ne ok gin kod gowi mar siasa ne jalup ker Ruto komakore gi higa 2022.Magi timore sama bende en ni jagoro mar Jubilee Raphael Tuju yande ne owacho ni ok en gima ochuno ni nyaka bi mii mana jalup ker Ruto otiko no ma acahiel ka chiel mar dhi dwaro kom no mar ker.

Wachni osegamiyo jisiasa buora golo pro kama mago ma siro Ruto josebedo koramo ni kata nade,gibiro chung’ kode e lek no mar kawo kom ker.

Kata kamano ok jokanyo duto mag jubilee josebedo kawacho duol achiel e wachno.

Kor ka kore Jachung’ mine  Laikipia County Ktae Waruguru ne owacho ni ok ber ka ogando jo Agikuyu bedo andhoke komakore gi singo mag siasa.

Waruguru wacho ni winjruok mar Ker Kenyatta gi jalupne Ruto ok onego kethi kod ogandago.

Ne omedo lero ni kata mana kinde mane Raila Odinga tiyo gi Ker machon Mwai Kibaki,en ni Odinga bende ne ondhogi kokalo kuom telo mar Kibaki.

Waruguru ne owacho ni kata mana wach ombuch paro bende nyaka ne ni oganda duto nyaka ket kanyakla e wach mar mosruok gi kelo kwee.

Ne omedo kwayo telo mar Jubilee ebwo Raphael Tuju kod David Murathe mondo owe wacho weche moko ma ok owinjore ei Jubilee..