kaonti ma kisumu oketo tenge omenda maromo million 600 mar gero apeyini

Photo courtesy.
Prof. Anyang’ Nyong’o

Gi Harvench Odiwuor

Kaonti ma Kisumu oketo tenge omenda maromo million 600 mar gero apeyini. Gavana ma kaonti no Ngire Peter Anyang’ Nyong’o nowacho ni chenro no biro neno ni ma borne romo ondamo 350 ibiro loso e sub-counties duto tee.

Bende nomedo lero ni orak osechiw kendo osidh ayanga ne kembe malos apaya ka chenro ma kamaa biro miyo ojende thuolo mar yudo tije.

Kumachielo Thomas Ondijo mochung’ ne migao mar wuoth e kaonti nowacho ni ojende moko kod jotije kaonti ibiro tero e tiegruok mondo giyud lony matut e gedo mar apaya. Nomedo lero ni omenda maromo million 230 mowuok e duol mochung’ ne loso apeyini pachoka kod million 350 mowuok e choko mar osuru bende oseket tenge mar chwalo chenro ma kamano.

Bende nochiwo siem ne jogo momi oregego ni ibiro kawo negi okang’ mager mar chik po nono okgitiyo e okang’ mowinjore.