Photo courtesy.
New police uniforms
Gi Odalo Fred
Obila ma pachokaa koro dhichuno mondo orit ma oktin ne higni ariyo mondo omigi lep tich manyien kata uniforms.
Magi gin ler moyangi kod jaloso e loo obila Charles Owino, mabende omedo ni lep tichgo duto sani koro iloso mana e pachokaa kendo onge paro moramora mar nywako kambi mawuok oko mar piny Kenya.
Obila maromo 60,000 mag tije monywandi kata General Duty, yande owinjore chak rwako uniforms go manyien dwe mokalo to katakamano mae neoko timre.
Lipot bende yango ni mae nokotimre kalure gi koso gik loso lweni moromo ekembe ma thurkaa, kabende jatend arita kwee maiye laktar Fred Matiang’i, nodokne weg kembego.
Kanowuoyo kod od fwambo moro mathurkaa, migosi Owino osingo mar neno ni obila duto oyudo uniforms e tielo mokwongo e thuolo mar dweche 12 mabiro kapok giyudo uniforms duto.
