Photo courtesy, Ker Kenyatta, Ker ma Sudan Bashir gi jatelo machielo
Gi Odalo Fred
Ker Uhuru Kenyatta osingo ni piny Kenya biro dhinyime gi chiwo sir mare ne piny libamaba mar Sudan, ekindeni endi ma pinjonogo temo matek mar dwoko kwee kalure kod lweny mosebedo kadhinyime yokono, lweny mabende osseweyo ka oganada ganayoyi owiti ngimagi.
Odiochieng’ manyoro, ker Kenyatta noyudo ote makende kowuok kuom ker mar Sudan moluor Omar Al-Bashir, ote mabende nochwal kod jalup ker makono migosi Osman Mohammed Yousif epar dak mar ker bwore Nairobi.
Ker Kenyatta owacho ni omor mar winjo ni Sudan sani tiyo matek edwoko kwee e pinyno mar neno ni ngima jokono odwogo ewang’e tok lweny mosebedo kadwokogi chien kuom thwolo malach.
Omedo wacho ni piny Kenya birodhi nyime gi siro Sudan etayo chenro meke duto, wirani pinyonogo en achiel kuom pinje manie bwo mabul mar riwruok mar dongruoge mag telo kata Intergovernmental Authority on Development (IGAD).
Katakamano, ker mar Sudan migosi Bashir, osebed kisundo malich mokalo gi jopinyno kalure kod ngima mawachore ni sani tek tweta, mano kamonywako nyaka bech mwandu duto mose bedo kaidho malo.
Maling’ling’ makende yango ni tulo mapek noneno nyoro echuny boma mar Khartoum, ekinde ma jong’anyo nopong’o ndara kagidwang’eyo gimomiyo japuonj moro yande owito ngimane e tesend obila moro makono kama nerik ogeng’ne.
Japuonjno majahigni 36 to oyangi kaka Ahmed al-Kheir, yande owito ngimane ekinde manerik ogeng’ne e tesend obila moro yokono. Mae osebedo kakelo liet mokalo kakoro ker Bashir isundo mondo mi ogwe tao. Bashir bende gi ekindeni, nikod bura mar nek rocho ratich oganda, bura mabende ni enyim doho mar mahundu e piny mangima kata International Criminal Court (ICC).
Ker bashir mabende nodonje telo tok loko telo manotim e pinyno e higa mar 1989, pokonyiso ranyisi moramora mar gwetao nyaka gi ekindeni. Katakamano, tend pinyno gi ekindeni osechako winjo ywak mar jopinyno magiwacho ni dwarore mondo owinji mapiyo piyo. Prime minister makono Moataz Moussa osewinj kawacho ni giyie ni jo Sudan sani kalo e midhiero buora kendo gichano mar kawo ondamo mowinjore mar dwoko geno ne jo Sudan duto.
