Photo courtesy,
Crime scene
Gi Odalo Fred Ouma
Jago moro onego wuon gi majahigni 63 e county ma Nyandarua wirani wuon gi no otamore miye Ksh 6,000.
Jagono majahigni 38 ne okawo okang’no esama nodwaro mondo wuon gi omiye omenda maromo gana auchiel. Katakamano jagono nodwogo chwanyore matek tok wuon mare koso miye omendano kendo nyise ni en jago madwong’ kendo osikomana kojwang’ore mokalo.
Bang’ nek makamano, achijno mar nek nodhi e chiro moro machiegni gi kanyo moyang nyinge kaka Silanga, kamabende nodwogo oyangore elela ni osenego wuon mare.
Achiel kuom joneno kaneloso gi jofwambo, oyango ni jagono omonjo wuon mare gi ojalo mabith. Omedoni mokwongo, nochadho wuon gi kod ojalo kasto okawo kwer mabende notiyogo e pogo fwondege matindotindo.
