Photo courtesy. Supreme court of Kenya
Gi Odalo Fred Ouma
Doho mamalo mogik kata Supreme Court kawuono dhiketo e eler yiero mar Governor ma Homabay moluor Cyprian Awiti.
Ler makamaa biromana kalure kod bura manochwal enyim doho gi maneen jaod bura ma Kasipul moluor Oyugi Magwanga dwemar 9 higa mar 2017, mabende nepingo yiero mar migosi Awiti.
Bura makamaa nowinji e thwolo mokwongo e doho mamalo kata high court kaachiel kod doho mar ayuagra kata Court of Appeal.Jang’ad bura mar doho mamalo Justice David Karanja kod jong’ad bura adek e doho mar ayuagra Justice Otieno Odek, Justice Fatuma Sichale kod Justice Philip Waki, duto ne ochopo e winjruok makanyakla mar wito oko yiero mar migosi Cyprian Awiti kaka governor e county ma Homabay tarik 19/7/2017.
Kalure gi magi duto, doho mar Supreme Court, dhing’ado bura ayanga odiochieng’ makawuono kaponi migosi Awiti birodhio nyime bedo kaka Governor ma Homabay kata oooyo.
Ponono ni owit yiero mare oko, jodak e county ma Homabay birochuno mondo odogie yiero manyien.
