Jodak ma Kajulu ochano nga’nyo maratipo ne tend kambi sukari ma Kibos

Kambi sukari ma Kibos. Photo Courtesy.

By Jowi Raymond.

Jodak ma Kajulu koroni to obuogo mar timo ng’anyo ma ratipo mar rocho chenro duto mag tich ka kambi rego niang’ ma Kibos.

Ka ne ogolo ler e wii wachni, ma en MCA ma Kajul Migosi Roy Samo okwayo oganda duto ma Kano kod Kajulu oyie owuog oko kar rombgi e neno ni giwuoyo e duol achiel kaka yorno mar nyiso ng’ur margi e wii chal makoch mar aluora ma koroni to oroch mokalo gi chilo ma ikeyo koda kambi rego niang’ ma Kibos.

Migosi Samo lero ni chido ma kambino chido godo aluora nitiere yore buora ma inyalo geng’ godo kata kamano tend kambino osebedo katiyo ataro mar chikego gino ma koro medo kelo hinyruok ne oganda ma kono.

MCA no oseyo mokalo moko kuom jotelo ma owacho ni osebedo obadho e dwaro ratiro ne oganda ma Kajulu wira ni gisebedo ka gikao asoya kaachiel koda donjore e buche ma jopiny osebedo kachwalo e doho kotenore ni kambi no.