Commissioner ma Migori migosi osingo neno ni arita kwee omed jiw e konde duto e kauntino

By moses omollo……… 20/10/2020.

County commissioner ma migori migosi Boaz Cherotich osingo ne oganda e county ma migori ni weche mag arita kwe idhi med jiw e konde duto e yor neno ni oganda jo migori obedo maonge luoro moro amora e thuolo ma gitiyo tijegi e gwenge ma opogore opogore.

Kane oloso e wi wachnoero migosi Cherotich ne okoni sirkal dhi medo chwalo obila ka obilano ma sori ma gie thuoloni ne oseger kaka yorno makende mar tieko weche mag arita ma osebedo ka orochore e gwengego ma sori.

Wuok oko mar county commissioner eyor rido weche mag arita biro mana e thuolo machwok bang MCA ma kanyasa ward ei nyatike ne goyo koko ka otenore kod weche mag arita kwee ma osekethore e gwenge mane oweyo ka maromo ji ariyo ne onegi nek maok owinjore e gwengegoero.

Komachielo commissioner Boaz ne okwayo jonyuol e county ma migori mondo oneni ochiwo arita ma owinjore ne nyithindegi ma nyiri e thuoloni ma pod gin pacho ka okoni mano kende ema nyalo konyoe dwoko chien mako iye ma ohiw ma osebedo ka medore e gwenge ma migori ka kuom thuolo mar dweche 3 maromo nyithindo ma nyiri 1200 ne ogamo iye ma ohiw e county ma migori.

Migosi boaz ne loso e gwenge mag sori e kinde nyasi mar mashuja day.