Jalup ker Migosi William Ruto kod ogai mar ODM Migosi Raila Odinga oket winjruok e kindgi
Written by admin on November 3, 2020
Jalup ker ma pachoka Migosi William Ruto kod ogai mar dwond buch ODM Migosi Raila Odinga onyisi mondo oneni omosore kendo oketo winjruok e kindgi eka ginyal riwo oganda jokenya mamoko e pachoka.
Mano en kaluwore kod Bishop John Adawo mar Jesus Christ & Partners Ministry mane okoni nyalo bedo gima ber ka jalup ker ma pachoka Migosi William Ruto kod Migosi Raila odinga obedo kod winjruok e kindgi eka ginyal neno wang ruoth ka bishop John Adawo koni mano kende ema nyalo miyo oganda jokenya bende onyal bedo e winjruok ma osiko.
Jadolo John Adawo bende ne okoni gin kaka jodolo e pachoka tijgi maduong en lamo ne oganda jokenya duto kendo neno ni oganda duto e pachoka obedo kod winjruok ka okoni kata obedo ni jalup ker ok winjre kod migosi Raila to en owuon oikore mar timonegi duto alam makende ka oponi gichopo e kanisa mare e pachoka.
