Onge yiero moro amora e dwond buch ODM

By Moses Omollo

Jakom mar ODM E County ma migori migosi Philip Macabongo onyiso okwedo kendo nyiso oganda e county ma Migori ma osebedo ka sedo kod weche mag yiero ne dwond burano ni onge yiero moro amora ma dwond buch ODM osechano timo e thuoloni ka okoni jotelo mane oseyier biro mana bedo kaka ne gin nyaka chop dwond buch ODM lando yiero mag kombe e pachoka.

Kane oloso kod jofwambo e apise mar ODM ma Migori jakom Macabongo ne okoni log tich mar ODM ne osechwalonegi oboke makende manyiso ni sani onge yiero moro amora madhi nyime mag kombe e dwond buranoero.

Migosi Macabongo ne okoni nyaka e thuoloni gin kaka dwond buch ODM Ok giyango yiero moro amora ma osechan kata ma osetim e county ma Migori ma jogo ma lando kaka gisetieko yiero mag kombe ahinya mano mar minee en miriambo ka okoni sani giyango mana jogo mane oseweyo party kendo dino fuok manyalo bedo ni ne obedo ka otenore kod yiero mokalo ka ne omedo ni ODM Ma migori bende osiro BBI.

Wechenego bende ne osir kod jagoro mar dwond buch ODM e kauntino migosi Joseph Olala mane okoni dwond buch ODM Sani dino mana fuok mane odong nono ka otenore kod weche yiero eyor bedo kod ikruok ma oromo ka okoni e thuoloni gino maduong ma giketoe pachgi en wach BBI kende.