Anglican mawuok Regea koro ong’ado Mar wuok e Diocese ma Maseno

By : Alseba Akinyi

Jokristus mag Anglican mawuok e Archdeaconry ma Regea e sub county ma Gem koro ong’ado Mar wuok e Diocese ma Maseno.

Ka otelnegi kod Venerable Paul Amonge Okinyo, jokristus go maosebedo kasando mondomi gipogre kendo gilos Diocese manyien ma iluongoni ACK Diocese of Maseno Central ne oleroni ondamo manegikao mar pogoreno gichope kaluore kod telo marach e Diocese ma Maseno West.

 Bende ne omedoni gisetimo horuok mathoth Mondo giyud Diocese manyien to kata kamano mago duto osegore e lwanda kakoro giwuoke oko Mondo gidhir wachno giwegi kokalo e log tich Mar kanisa Mar ACK.

Kaneowuoyo e kinde   Romo manegibedogo e tat somo ma Odera Akang’o, Velnerable Amonge mabende e jakom Mar kamiti ma kojolo mar Diocese ma Maseno Central ne omedoni okgibi yuoro Romo Moro amora ma oluong kod tend ACK Diocese ma Maseno West komedoni kochakore dwe Mar achiel higa manyien, okgidonjore e tije ma opogore opogore kaachiel kod budget mag Diocese ma Maseno West, kagisingo nyaka niokgibi Oro omenda e parishesgi kadhi e Dioceses

 Venerable Amonge bende omedoni wuok margi e Diocese oken ranyisi mar koso luorne Bishop ma Maseno West Diocese Rev. Huang’ Godia kod apisi mare to en ranyisi Ni gidwaro Diocese margi koluoni gichopo Kwan ma iduaro mar loso Diocese margi giwegi.