Jomachwo moheo gana mia ariyo odhi e nyango

Jomachwo moheo gana mia ariyo osedhi e nyango nyaka nechak chendro Mar voluntary male circumcision e countini.

Maendi ler maochiw kod jatend migao mar thieth e county ma Siaya Migosi Dismas Wakla kowachoni chendrono osekonyo mathoth e duoko chien landruok mar kute mag ayaki e kind ogana e countini Gino maopuoyo kendo omedo jiwo jomachwo ni odhiye.

Migosi Wakla bende omedoni ekindeni makoro piny mangima yango odiochieng kute mag ayaki, en hawi marach Ni ojende e countini koro gamo kutego manyien Gino maowachoni oidho malo nimar Thoth ojende nie mier kaluore kod landruok mar midhusi Mar Corona epachoka.

Jatelono manetwak gi jofwambo ekinde nyasino mar dhialo odiochieng kute mag ayaki maneobago e also ma Ukwala bende neosir kod jatend migao mar limbe,weche tuke kod lony manyasani Migosi Charles Ogada mabende neonyiso dwaro Mondo ochung chendro mag Romo mar oganda kokalo kuom tuke nimar rombego emajimbo landruok mar midhusi Mar Corona.