Siro dongruok mag jo-bodaboda

Boda boda e sub-county ma Uriri onyiso josiasa ma osebedo ka tiyo kodgi e yoo maok owinjore mondo ochak ngiyo kod dwaro margi mar siro dongruok maggi maok mano mar tiyo kodgi kaka giseko bedo ka gitimo e kinde mag siasa mar miyogi mana mit bilie kendo tudogi kod timbe mag njore e gwenge ma Uriri sub-county.

Kane oloso kod jofwambo bang kane osetiek yiere kaka jakom mar boda-boda e sub-county ma uriri migosi Mathias Owino ne okoni e thuolo mokalo ji osebedo ka okawo jo boda-boda kaka mago ma jo njore kendo ma inyal mana ti godo e weche mag ketho kwee e county ma migori kane okoni e thuoloni gin kaka jo boda-boda tinde gin jogo ma obidhore kendo ma orito miechgi maok degiher mondo ochak tudgi kod timbe mag njore kod ketho kwee e gwenge makono.

Migosi mathias ne okoni sani chenro ma gin godo en neno ni josiasa ma osebedo ka tiyo kodgi e thuolo mokalo chien e yor siasa kod muocho tulo ok oyudo thuolono ka okoni giseko bedo kod winjruok makende mar neno ni jasiasa moro amora ma obiro irgi to nyaka tim dwaro margi mar dongruok maok mano ma otenore kod weche njore kod tulo e gwenge mag Uriri kod alwora mare kane okoni jo bodaboda nyalo timo kisera malongo ne ngat ma gidwaro kaluwore ni giromo kod oganda ma odhuro ma gitingo pile ka pile.

Ne okwayo joboda boda e sub-county ma uriri mondo onyal kawo tigji mar bodaboda motegno ka gingeyo ni mano ema ondikogi kendo gitii tijgi ka gin kod luor ne oganda ma gitingo e gwenge ma migori.