Jodak e county ma Siaya ojiw Mondo opidh yien mondomi ochop atamalo apar Mar yiend bungu.

Jodak ma Siaya county koro owinjore opidh yien maromo million 37 mondomi ochop dwaro Mar piny owacho mar atamalo apar Mar yiend bungu.

 Kaluore kod Kenya Forest Services Conservator e countini migosi Samson Ojung’a, piny Kenya nigi kinde mayien oumo maromo atamalo 7.2 kende Gino manyisoni Orem yien billion 1.8 maowinjore opidhi.

Bende omedoni ewi yien billion 1.8 maowinjore pidhgo, county ma Siaya nimana gi atamalo 0.42% ma yien oumo ka owinjore pidh yien maromo million 37 ekindeni nyaka higa mar 2022.

 Migosi Ojung’a ne owacho magi e skund sekondar ma Usenge kuma bengi mar Equity ne oyawe ayanga chendro Mar pidho yien  ka manager mar bengino e boma ma Bondo Migosi Javan Odera ne oyangoni kichano pidho yien maromo 23,000 e sub counties ma Bondo kaachiel kod Rarieda e thuolo mar dweche  auchiel kabende oluoni gitimo tudruok kod kuonde somo ma opogore opogore ka chendrono dhinenoni opidh yien maromo 35 million e pachoka mangima.

 Romono bende ne oyuor kod jalup county commissioner ma Bondo Migosi Paul Wanyonyi maneopuoyo chendrono kabende ojiwo oganda mondo orwak chendrono kendo sire lwedo kokalo kuom pidho yien e miechegi.