Masira makoch mar apaya

By Moses Omollo

Masira makoch mar apaya otimore okinyi makawuono e apaya mawuok  gokeharaka kadhi Ihore mane oweyo ka lorry moro mane iriembo e thuolono ne okweyo ma onego nyathi moro ma wuowi maja higni 12 kanyo kanyoi.

Kane oyango wachnoero komander mar obila ma kuria east migosi Clearty kimaiyo ne okoni masirano ne otimo e thuolo mar okinyi kar saa 10:30 kama lorry mar Isuzu  no. KCE 409V ne otuomoe nyathi  ma wuowi maja higni 12 ma oweyo ka owito ngimane.

Migosi kimaiyo ne okoni bang lorryno kane osetuomo nyathino ma owito ngimane derep lorrino ne ochwee oringo ma olal kod adhonde kuome kaluwore ni jopiny mane nikod mirima mager ne dwaro kawo ngimane kaluwore kod wach masiranoero.

Ne okoni bang derep lorryno ne se ringo kendo lal jopinygo ne odwogo otia mach kendo wango lorryno e thuolonoero e yor nyiso mirima mane gingodo.

Migosi kimaiyo ne okwero jodak ma kuria mon do owere kod weche mag kawo chik e lwetgi kane okoni ni ka masira otimo to giwee mondo obila onyal timo tije e okang ma owinjore.

Ringre rawerano mane lorry onego ne oter e kar kano ringre jogo ma otho ma Akidiva e thuolo ma obila e gwenge mag kuria East bende gi e thuoloni dhi nyime kod timo nonro e yor yan go gima omiyo lorryno ne otimo masira machal kod manoero.

Komachielo bende e gwenge mag kuria East obila ma Kehancha ne omako rawera moro ma hike nie diere kod bunde ma olos kinyadala e thuolo ma rawerano ne owuodho bundeno kendo dwaro goyogo wuon mare bang kane giseko pogoree e paro kod wuongi.

Commander mar obila ma kuria Rast migosi Clearty kimaiyo ne oyango wachnoero kane  okoni bang ne se yudo maling ling ka otenore kod wach bundeno obila ne oringo mapiyo ma ochwee omako rawerano kod bundeno kendo chwalogo ka obila ma kehancha.