Chandruoge mar yudo thieth gi chenro mar Linda Mama

Mine mathoth mane ondikore e chenro mar Linda Mama e County ma Migori moroni to neno matek e thuolo ma gidhi manyothieth e osiptende mag ji giwegi e County ma Migori.

Thoth mine mane oloso kod nyakalondoni ne okoni sani gikaloe chandruoge buora nimar e thuolo ma gidhi mondo giyud thieth e osiptende mag ji giwegi to koro chunogi ni nyaka gichul nimar osiptendego koroni ok tii kod cardno mar Linda mama e thuolo ni ma koro nurses pod dhi nyime kod nganyo e bomano.

Migosi Erick Oketch Mawuok e sub-county ma Awendo ne olero ne nyakalondoni ni ne otero min ode e achiel kuom osiptende mag ji giwegi e county ma Migori mondo ne odhi okonyre eyor nyuol kane ongeyo malongo ni card mane engo mar Linda ne nyalo dhi konyogo eyor chulo bill mar osiptal kata kamano bang kane min ode ne osekonyore eyor bero ma otieno ndalo 4 .

Achiel kuom osiptal e bomano ne obedo kod buok kane dhi kod kadno mar linda mama to ne onyise ni nyaka ochul omenda aching eka onyal golo min ode e osiptandnoero.

Migosi Oketch ne okoni sani koro min ode omoko e osiptandnoeoro e nikech pok oyudo omenda ma osiptal dwaro maromo mondo eka onyal waro min ode kod nyathine ma nyocha eka onyuolo e osiptandnoero.