Duol mar Kenya Coast Guard services oketho mwandu manengogi romo gana Mia abiriyo maosebed kailupogo etok chik e sub county ma Bondo

By Alseba Akinyi

 Kaneowuoyo gi jofwambo e doho ma Bondo Kuma neoteloe chendro Mar ketho mwandugo, squadron commander mar Kenya Coast Guard ma Kisumu Captain Jotham Odera ne oluoni gige lupo maokopuodhigo ne omak e dhowedhe mag Usenge kaachiel gi chula ma Mageta e giko higa mokadho koluoni chendro mar ketho mwandugo negitimo kaluore kod chik maneogol kod doho ma Bondo.

 Jalup county commissioner ma Bondo Migosi Michael Too mabende ne ochwo wange e chendrono to korka Kore neogolo siem ne jolupo mantie e sub County ma Bondo Mondo owe chutho wach mar tiyo kod gige lupogo machik okoyie kakoro ngato angata ma oyud katiyo kodgi tibiro mako kendo donjone e doho komedoni giseloso kamati motingo apisas mawuok e sirkal mamalo, duol mar Kenya Maritime Authority (KMA) mabirodhi nyime gi tomorrow apedha mag give lupo maokowinjore.

Jangad bura ma Bondo Migosi John Nandi bende neosingo chiwruok mar doho e nenoni oluruok kod chik e wech mag lupo kaachiel kod arita makare e Nam Lolwe.