Awendo Sub-County

Apisa ma ochung ne ratiro mar nyithindo ma Awendo Mikai Tabitha Awuor okwayo ngato angata ma nyalo bedo ni ongeyo nyathi moro ma nyako ma hike nie kind higni 12-14 ma sani olorne ka obila ma Awendo bang ne yude kod jopiny e gwenge mag Ranen kama ne oweyee kod jok ma ok ongee bang kane osebambee e thuolonoero.

Kane oyango wachnoero apisa ma ochung ne nyithindo, Mikai Tabitha ne okoni nyathino manyako ma hike nie kind 12-14 ne oyudi kod jasamaria moro ma bange ne ochwalo lipode ka obila ma Awendo kod apisnoero mar nyithindo e gwengegoero.

Tabitha ne okoni nyathino en mano ma ok nyal loso kendo wiye bende ok ler ka bende en kod tuo mar goruok piny wach ma omiyo osebedo ka ibambee kod jii ma pok oyangi ma bendee chal ka gima emane oweyee e gwengego ma Ranen.

Ne okwayo ngato angata ma nyalo bedo ni ongeyo weg nyathino mondo onyal tudoree kodgi kata ka police ma Awendo.

Ne omedo ni konyo nyathino pok obedo mayot nimar kwonde konyo nyithindo duto e county ma Migori ok oyie rwakogo kaluwore ni ok owuo,wiye bende ok ler ka bende en kod tuo mar goruok piny wach ma omiyo nyaka sani pod olorne ka obila ma Awendo kapod irito wegi mondo onyal kawogo.