Chenro ma ichiuo godo yath mar kedo kod midhusi mar corona e kar thieth ma JOOTRH ok ni kare

Jagoro maduong mar KUPPET e bade ma Kisumu migosi Zablon Awange  owacho ni chenro ma ichiuo godo yath mar kedo kod midhusi mar corona kata astra zeneca e kar thieth ma JOOTRH ok ni kare kaluure kod chike mane serikal ma malo ogolo mar miyo askeche jopuonje apisas kod jochiu thieth thuolo mokuongo e yudo chanjo.

Migosi Awange owacho ni jopuonje okosebedo ka yudo chanjo no kaka jogo mane omii thuolo mokuongo kod serikal ma pacho kae.

Okwayo tend kaunti ma Kisumu mondo ong”ii ni jopuonje ma opuodhi mondo oyud chanjo no endo  ahinya sani ma jopuonje ikore mar dhi nono penj maduong mar KCPE kod KCSE.

Kor ka kore director mar public health migosi Fredrick Oluoch owacho ni nitiere chenro ma oketi malongo ma ng’ato luwo ekaa mondo oyud chanjo.

Oleroni nitie oboke ma ochiu ne jopuonjre kata list e sub kauntis duto ma kisumu ma oting’o nying’ jopuonj ma opuodhi mar yudo chanjo no endo…

Migosi oluoch okwayo jopuonj ni ka pok giwuok mar dhi yudo chanjo to gi ne ni gi ndiko nyinge gi kuonde ma owinjore eka gi dhi kau chanjo no endo.