Kwedo muko mag kuonde ohala

Riwruok makelo kanyakla kanisni ma pacho kae NCCK ebade ma Nyanza koro owuok oko mar kwedo serikand county ma Kisumu emuko mag kuonde ohala kod ute dak ma osiko dhii nyime ekinde ka kinde e chuny boma ma kisumu.

Kaluore kod jalup kodineta mar riwruokgno Archbishop Betty Onyango wacho ni muko mag kuonde ohala maok odewo ngima jopiny eken yoo makare kata Matin.

Onyango olero ni serikand county osebet ka dhii nyime kod muko jo ohala kata obedo ni ne gisegoyo dhogi piny mondo owek muk ute kod kuonde ohala nimar thoth oganda Jo kisumu sani winjo matek mokalo.

Kane oloso odiechieng manyoro e romo mane okelo kanyachiel jodolo duto ma Kisumu, ne okwayo serikand county ma kisumu mondo otem osum pach jopiny kapok gitimo muko moramora kendo muko oriko tim tok ka winjruok osebet ekind jopiny kod serikal mondo ywak kod chandruoge kik bedie ekind oganda.