Kogalo ne oloyo Wazito e tuk kpl mane obedo nyoro..

Bang’ bedo gi tugo mar Caf Confed..e giko odira mokalo,Gor Mahai ne obedo gi tugo machielo mar Kenya premier league alap ma Kenyatta Machakos kama ne giloyoe Wazito 1-0 nono.

Jatugo Jacques Tuyisenge ne oloyo gol no makende mane omiyo Kogalo ochorore machiegni gi Mathare masani otelo e league mapachoka kata obedo ni gisetugo tuke 2 e wi Kogalo.

Komachielo,jatugo Masita Masuta ne oloyo gol makende mabend ne omiyo Ulinzi oloyo Banadari 1-0 nono e tugo machileo mar Kpl.

Masuta ne oloyo gol no makende e dakika 90 kendo obedo mare mar 4 kabende kinde mokalo ne okoyo Ulinzi e yudo loch ewi Tusker kod Kakamega Homeboyz.

Kopogore gi mago,geno mar Kenya mar yudo midila mokwongo mar gold e piem go mag Commonwealth Games e piny Australia nyoro.

Midhiero ni ne omedo bedo tok nyadendi Aisha Praught[9:21:00] ne oyombo nyidendi mapacho ka e piem no mar mita 3000 ma Kenya ne geno ni ne ginyalo yudoe midila,ka nyidendi Celliphine Chepteek[9:22:61] ne obedo number 2 ka ja sir loch no Purity Cherotich[9:25:74]ne obedo number 3,Nancy Cherono[9:46:27]ne obedo number 6 e kind jong’wech mamoko..

Magi ne otimore tok Kenya ne koso yudo midila mag mita 10000,kod 5000 e piem go madhi nyime e piny no mar Australia.

Pinje maoko,en ni tuke mag Uefa mane obedo otieno manyoro ne pbedo gi dwoko machalo kamaa;bang’ Real Madrid ne loyo Juventus e tielo mokalo,Juventus ne otugo maber kendo loyo Madrid 3-0 etielono machielo.

Jatugo Mario Mandzukic ne oloyo gonde 2 ka nyawadgi Blaise Matuidi ne oyudo gol machielo.

Kata kamano weche ne obedo maricho tok jataa adhula Michael Oliver ne omiyo Madrid penalt e dakika mar 90+7 bang, jagol Gianlugi Buffon ne omi kad makwar.

Wachni ne omiyo Madrid oyudo gol kokalo kuom jatugo Christiano mane omiyo gichopo e semi-fanal kod loch mar gonde 4-3.

Eseche go Bayern Municjh ne owuok 0-0 kod Sevilla mar Spain,Bayern ogoyo okang’ bang’ tielo mokalo mane giloyoe Sevilla 2-1.

To otieno makawuono tuke chalo kamaa e tielo mar Europa:Sporting Lisbon-Atletico Madrid[Agg:0-2]

Marseille-RB Leipzig[Agg:0-1]

CSKA Moscow-Arsenal[Agg:1-4]

Red Bull-Lazio[Agg:2-4]

Tuke gi dhi bedo 10:45pm.