Emery omor gi Ramsey esechema John Terry bende oweregi adhula.
Written by Phenny Waga on October 9, 2018
Photo courtesy. Aaron Ramsey
Arsenal
Manager mar Arsenal Unai Emery omor mokalo gi jatugo mago dier pap e clubno manyinge Aaaron Ramsey kalure gi loch mayande timbonogo oyudo. Arsenal yande orodho timno mar Fulham FC gonde abich kuom achiel e alap tuke mar Craven Cottage giko odira mokalo. Emery koro wacho ni Ramsey sani koro en achiel kuom jotugo maberie mogik e clubno mar Arsenal.
Photo courtesy.
John Terry
Chelsea
Maneen jatugo mar England kendo defender kata jageng’ opira e clubno mar Chelsea John Terry, koro to odhi e yweyo kendo weregi wechego mag adhula ayanga. John Terry osebedo kaonge club chakre nowuoge timno mar Aston Villa giko season mokalo, kabende osenyaka tamore wechego mag riwore gi timno mar Spartak Moscow mawuok Russia kocha. Jatugono ma jahigni 37, koro lieokore ni nyalo riwore gi coaches mamoko etiego jotugo mag Aston Villa, esechema Thierry Henry bedo kaka manager maduong’ mar timbonogo.
